Europa em Vicente Risco

Exposiçom 'Europa em Vicente Risco'

O M.R.A. Gallaecia estivo esta segunda feira 22 de setembro na Casa da Cultura de Monforte de Lemos.



O padroado da Fundaçom Vicente Risco, integrado por diversas instituiçons, em colaboraçom com a Câmara de Monforte, inaugurarom a exposiçom 'Europa em Vicente Risco. Nós in memoriam', que inclui muitos apartados para nós interesantes.

Ali no centro nom há ninguém para atender em quanto à conhecimentos sobre a exposiçom ou mesmo do próprio Risco, somente vas ali a ler o contido dos 23 cartazes. Nas próprias palavras de Risco os temas vam-se explicando, sempre com a ajuda da censura com textos convenentemente seleccionados, de facto na sua casa convertida em museu e livraria pessoal atopam-se tudos os livros do mestre, menos a "Historia de los judíos".

A exposiçom destaca o papel intelectual e político do autor que sentou as bases do nacionalismo galego. Grande conhecedor da vida cultural europeia do momento e das diferentes correntes filosóficas, raciais e religiosas mundiais, Risco tencionou intentou a cultura galega no plano internacional. Além do mais, a exposiçom salienta cronologicamente os dados mais relevantes para o conhecimento da personalidade do mestre.

Adicada a vultos das nossas letras e da nossa história como Antón Losada Diéguez, Castelao, Ramón Otero Pedrayo, Florentino López Cuevillas, Arturo Noguerol, Anxo Casal, para além do próprio Vicente Risco, a exposiçom divide-se nos seguintes apartados:

* Semblante em Vicente Risco
* A crise de Entre-guerras
* As vanguardas
* Fascismo versus comunismo
* A Alemanha de Weimar
* Irlanda-Éire
* Europa versus Espanha
* Importância da formaçom
* A revista Nós
* Saudosismo e Portugal
* A ideia espiritual da Europa
* Atlântida-Atlantismo
* Mundo céltico e ciclo artúrico
* Espírito versus capitalismo
* Naçom versus estado
* As naçons ofendidas
* O idioma como identidade

Para baixar o trabalho da exposiçom enteira em fotografias, prema sobre o seguinte enlaço de descarregamento:
http://www.megaupload.com/?d=CXO6UVGY