Tivemos accesso à documentaçom que prova que a Junta mentiu sobor a matança de cachorros de lobos e híbridos de lobos, e ademais permita que os caçadores decapitem e levem como trofeus as suas cabeças.
Recentemente o PSdeG apresentou no Parlamento da Galiza umhas perguntas à Junta sobor as matanças na serra do Barbança e estes responderom:
"A Xunta de Galicia non ten constancia de cachorros de cánidos mortos en accións cinexéticas"
Na foto desta nova pode-se olhar o copor, de poucos meses de idade, dum dos animais abatidos. No informe das autópsias realizadas por ARENA (Assessores em Recursos Naturais S.L), colaboradores da Junta da Galiza nas caçadas, certifica-se que os animais eram cachorros de poucos meses de idade e menciona-se que o caçador decapitou a um dos lovos para levá-lo como trofeu.
É especialmente grave que a empresa ARENA S.L seja a encarregada pola Junta para colocar os colares GPS para seguimento dos lovos, o qual permite-lhes saber em cada momento onde estám as manadas. É dizer, os lobos convirtem-se num branco perfeito para serem caçados, dado que é impossível que poidam agochar-se ou escapar.
Com estes documentos demostra-se de maneira fidedigna que a Junta mentiu, umha vez mais, e agocha os dados das mantanças que estám a realizar.
Várias organizaçons solicitarom à Junta a começos de 2012, sem éxito, acudir como observadores às batidas de lobos para documentar o que está a ocorrer.
O governo galego pode-se adjudicar a triste honra de serem o exterminador do lobo na naçom, tendo autorizado no ano 2011 a incrível cifra de 14.720 batidas de lobos e javarins, umhas 40 ao dia.
Sem comentários:
Enviar um comentário